Ողջու՛յն աշխարհ
Միասին կտրենք ժապավենը
«Սկզբում Աստված….»։
Ծննդոց 1:1
Հազարավոր մղոնները սկսվում են մեկ քայլից, մեծ հրդեհներն առաջանում են մեկ կայծից, հաստափոր գրքերը սկսվում են մեկ բառից։
Այս կայքն էլ փոքրիկ սկիզբ է մի ճամփորդության, որի ժամանակ կփորձենք նորովի նայել կյանքին, աշխարհին, մեր շրջապատող իրականությանը։
Սա սկիզբ է ստեղծագործական մի նոր ընթացքի, որի ժամանակ պիտի բացահայտենք աստվածատուր շնորհներն ու կոչումները, որոնք նախասահմանված են մեզ համար։
”Միասին պիտի փորձենք ստեղծագործել, բացահայտել, փոխվել և փոխել, լուսավորվել և լուսավորել:
Սա հարթակ է բոլոր նրանց համար, ովքեր սիրում են «հոսանքին հակառակ» ընթանալ, նորարար լինել, մտքի թռիչք և ճշմարտության փնտրտուք ունենալ։
Այստեղ, ըստ առաքյալի խոսքերի, ամեն բան քննելու ենք և բարին ամուր բռնելու ենք։ Չենք վախենալու սուր անկյուններից, չենք խուսափելու իրականության հայելու առաջ կանգնելուց, չենք խուսափելու անկեղծությունից և չենք զլանալու ջանք գործադրել փոխվելու, ավելի լավը դառնալու համար։
Առաջնորդվելու ենք Աստվածաշնչի հավիտեական ճշմարտություններով, վերաբացահայտելու ենք մեր ինքնությունն ու փորձելու ենք ապրել համաձայն աստվածային կամքի և նախախնամության։
Լուսավորվելու ենք, որ լուսավորենք աշխարհը միասին։
Ուրեմն, միասին կտրենք ժապավենը մեր կայքի, բացահայտենք, բարձրաձայնենք և բաժնեկցենք։
Վազգեն Արսենի
Կայքի գլխավոր խմբագիր և հեղինակ